Դեսպան Տիգրան Մկրտչյանը այցելել է Կիպրոսի Ազգային Առաջնորդարան

13 մայիսի, 2022

Մայիսի 11-ին Կիպրոսում աշխատանքային այցելությամբ գտնվող Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը այցելեց Կիպրոսի Ազգային Առաջնորդարան, որտեղ հանդիպում ունեցավ Կիպրոսի Թեմի Կաթողիկոսական Փոխանորդ Գերշ. Տ. Խորեն Արք. Տողրամաճեանի և Կիպրոսի հայկական համայնքի ներկայացուցիչների հետ։

Հանդիպմանը դեսպան Տիգրան Մկրտչյանը ողջունելով ներկաներին ներկայացրեց Կիպրոս իր այցելության նպատակները և հանդիպումների օրակարգը։ Հանգամանալից կերպով անդրադարձավ իր առաքելության, առաջիկայում նախատեսվող մի շարք ձեռանրկներին, Հայաստան-Սփյուռք հարաբերություններին, ինչպես նաև հայ-կիպրական հարաբերությունների հետագա ամրապնդման ու զարգացման նպատակով ձեռնարկվող քայլերի մասին։

Դեսպան Տիգրան Մկրտչյանն ընդգծեց Կիպրոսի հասարակության մեջ և երկու երկրների միջև հարաբերությունների ամրապնդման գործում կիպրահայության կարևոր դերը, հատկապես՝ տնտեսական, մշակութային և հումանիտար ոլորտներում:

Դեսպան Տիգրան Մկրտչյանը պատասխանեց ներկաների բոլոր հարցերին։

Հանդիպմանն ներկա էին Կիպրոսի Խորհրդարանի Պետական Ներկայացուցիչ՝ Վարդգես Մահտեսեանը, Կիպրոսում ՀՀ պատվավոր հյուպատոս Մարտին Մինասյանը, Նիկոսիայի Հոգևոր Հովիվ՝ Տ. Մոմիկ Քհն. Հապեշեանը, Թեմի Պատգամովորական Ժողովի ատենապետն ու անդամները, Ազգային Վարչության ատենապետն ու անդամները, կառոյցների, կուսակցությունների, կրթական, մշակութային, մարզական միությունների ատենապետերը, ներկայացուցիչները եւ անդամները, Նարեկ Վարժարանի հոգաբարձութեան ատենապետը, անդամները, տնօրենուհին եւ տեղական հայկական մամուլի խմբագիրները։ա

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր